Senin, 30 April 2012

Jesaya 60 : 1-7


Jesaya 60 : 1-7

 I. Patujolo
            Yesaya bindu 60 ima bagian ni buku jesaya patoluhon (Trito Yesaya). Trito jesaya manurathon situasi parngoluan na niadopan bangso ni Debata ndang stabil, godang mangadopi frustasi, sian sudut ekonomi dohot kestabilan politik nunga kacau. Lumobi muse iman bangso Israel nunga mandua roha, lam rarat angka na paulihon dohot manomba Baal. Bindu 60 on mamaritahon haluaon ni Jerusalem dohot bangso israel marhitehite haroro ni sada Mesias na pinillit  jala na siuru ni Debata.Barita taringot panurirangon taringot hatiuron na binsar sian Sion dohot hamubaon ni roha angka parbegu tu Jahoba; Debata mangula laho mamboan haluaon dohot mangalehon las ni roha tu bangsoNa.
II. Hatorangan ni Turpuk
1.       - Hehe ma ho ! Marsinondang ma ho ! ima patuduhon joujou tu haimbaruon ni roha nang partondion dohot semangat na luar biasa. Situasi parngoluan na kacau, hira na so adong be pengharapan/ hagolapon songon na ni dok di ayat 2’ haholomon do manghuphupi tano on dohot hagolapon angka bangso“. Bahwa  memang ndang adong be kehidupan disebagian bangso israel. Alai nangpe dibagasan parungkilon, ingkon mampu mamereng tu masa masa sulit na ni alaman nasailaon laho mardalan tu masa depan ni ngoluna. Jala na ni dok na unang lalap manangisi na hansit i, naeng ma mangula unang mandele, unang lalap manolsoli na masa i. Pambahenan ni Debata marhite karya haluaonNa ingkon dihatindangkon. Jala naeng mahehe/bangkit sian haholomon/hagolapon jala marsinondang, ai nunga ro Panondang manondangi hita. Ndada boi jolma i paluahon dirina sandiri alai ingkon Panondang i do na boi merubah saluhutna.
  -Binsar ma Jahoba diatasmu. Nyata jala na ingkon jaloon ni angka na manghaporseai hataNa bahwa Panondang  i di na manorangi roha na dibagasan haholomon jala PaluaonNa do nasian haholomon i.
2. Bangso , raja dohot saluhut halak  ro mandapothon hatiuron i. somalna hagolapon ditaluhon hatiuron. Songon dia pe metmet ni hatiuron i na ingkon marsinondang di hagolapon. Jala ditingki ari parasian manang ari haluaon saluhutna na manghaporseai Panondang manjangkonsa. Jala asa sude marsomba tu Yesus (Pilipi 2 : 10-11).
3. Para penafsir manurathon taringot keberadaan huta Sion ima hamoraon ni angka laut dohot hinagok angka parbegu rotu  huta Sion ima laho beribadah(Peziarah). Sian ganup na ro mamboan angka sere,perak dohot haminjon jala amnaek tu langgatan ni Jahoba laho pasahothon angka peleanna  na marlapatan manang aha jala ise pe ingkon ujungna marsomba tu adopanNa jala mamboan peleanpataridahon hamuliaon ni Jahoba.
III. Sipahusor-husoron
           Somalna turpuk jamita on dihatindangkon do ditingki masa Natal ima marliturgi, jala mansai dihalomoon do turpuk on. Na boi gabe luar kepala pajojorhonsa. Boasa ??? ala didok disi asa ganup hita hehe jala marsinondang, manondangi tano on, ai nunga ro Panondang.Goar ni mingguta Advent I, boha hita halak Kristen laho manomunomu haroroNa na parjolo(HatutubuNa) dohot pangaradeon na manungguli hita managam haroroNa paduahalion. Aha do siparadeonta ?? jala di situasi saonnari ima kekacauan hidup,kekacauan politik, kekacauan ekonomi, sanggup do hita manjalo haluaon ?? boi do hita hehe jala marsinondang? Hita selaku orang yang beriman harus mampu bangkit dan menjadi terang disekitar, bahwa ganup angka naung dipapatar na tiur i, gabe marsinondang (Efesus 5 : 13-14). Marsinondang pargoluonta tu na dihumaliangta marhite parangenta ima mangulahon na denggan asa boi marhite parangenta gabe boi manjou bangso na asing laho mananda dohot manghaporseai Tuhan i.





Tidak ada komentar:

Poskan Komentar