Senin, 30 April 2012

I Tessalonika 1 : 1-10


I Tessalonika 1 : 1-10
Pataridahon tongtong ngolu na mandok mauliate


I. Patujolo
I Tessalonika i ma surat na parjolo sahali sinurathon ni Apostel Paulus di taon 50 an. Alai di tingki harajaon Romai di baen ma kota I Ibu kota Makedonia, jala digoar kota tessalonika di tingki ni si paulus ima kota” bebas” jala na “ makmur”.di pardalanan ni si Paulus paduahalion do ro ibana sian Pilipi tu Tessalonika( 1 Tess 2 : 2) jala dipajongjong ibana disi huria ( 1 Tess 1 : 5 – 6 ). Ndang sadia leleng si paulus marjamita di Tess arian dohot borngin dalan ni ibana asa dumimpos nian parjongjong ni huria i. Pil. 4 : 6 , I Tess. 2 : 9 alai di tudu do ibana panggaori di kota i ( Ulaon 17 : 6 ). Dung di adopi ibana namasa i sian atena disuru si paulus do si timotius mandapothon huria tess ( Ulaon 17 : 14 – 15 ). Dinamulak si Timotius sian Tessalonika, mamboan kabar ni huria I tu si Paulus, dipaboa na denggan panglaho dohot ngolu haporseaon ni huria I, alai manaon naporsuk do huria I ala ni pangaleleion pola adong na mate. Tubu do sungkunsungkun ni huria I songon dia do upa ni angka na mate ala ni barita nauli I di haroroni Kristus, alus ni si paulus di sungkunsungkun I boi jumpa do I di ganup bindu jala di tutup si Paulus surat na I manudu tu haroro ni Tuhan I (bnd 1 tess 1 : 10; 2 : 19 ). Tarida sian hatorangan I naso dihalupahon Debata do angka namate ala ni barita na uli I jumpa di harorona I songot.
II. Hatorangan ni turpuk
Tabi ni apostel i . di hata tabi ni apostel i adong tolu si panongos surat i, ima si Paulus, siluanus dohot si Timotius rap mardalan do nasida loho mambaritahon barita na uli i ( ulaon 15 : 22 ), jala di hatahon apostel paulus do tanda nil as ni rohana mida haporseaon ni huria na tinopotna. Sai marsitutu jala sai diharingkothon huria i ngolu haporseaon di bagasan Kristus Jesus i , ido apala tujuan ni surat na i tu huria tessalonika namanjalo asi ni roha dohat dame sian Debata Ama dohot sian Tuhan Jesus Kristus . ayat 1.
Adong manang napiga di goari Apostel i, las ni rohana mambege barita ni huria tessalonika namangonjar roha ni Apostel i mandok mauliate tu Debata Ama di tangiangna: parjolo pangulaoan ni huria i na sian haporseaon paduahon halojaon ni huria i di onjar holong ni roha patoluhon habengeton ni roha mangkirin di Tuhan Jesus Kristus maradophon Debata Ama i . Na tolu ngolu i ojahan na hot di halak Kristen ima haporseaon, holong ni roha, dohot panghirimon na tarida di ngolu ni huria Tessalonika ( 1 kor. 13 : 13 ). Sian parngoluon ni huria i dipatuduhon nasida do pamilliton ni Debata di huria I marhitehite panjouon ni tondi parbadia. Sian mulai di janghon nasida barita na uli I nabinoan ni angka Apostel taridadi ngolu nasida songon huria naung tarjou jala tarpillit,songon lapatan ni hata haporseaon ponggol patoluhon ima na dijou ni Tondi parbadia i do ahu marhite sian barita na uli ( ulaon 2 :17 – 21 ; Epesus 4 : 4 ), di bagasan hagogoon ni Tondi parbadia I do huria I marpungu jala tarpillit. Ayat 2 – 4 .
Mardongan hagogoon dohot Tondi Parbadia I marlas ni roha do napasahathon dohot namanjanghon barita na uli I nangpe dibagasan haporsuhon. ( Rom 12 : 12 )” marlas ni rohama hamu manghirim, marbenget ni roha ma dihaporsuhon , jugulhon hamu ma martangiang” pambaritahonon dibarita na uli I ima na sian si Paulus tu huria I , gabe luhut na marojahan , maniru tu pangulahonon dohot tu pambaritahonon ni Tuhan I nang dipangulahonon ni angka huria i. antong sitiru Debata ma hamu songon angka na hinaholongan ( Epesus 5 : 1 ). Pambaritahonon di barita na uli , ndada holan marhite hata alai tung dohot do di pambahenan. Parngoluon na marlas ni roha di haporsuhon ala ni haporseaon ni huria Tessalonika ido gabe jamita na mangolu di luat Makedonia dohot Akaya. Hata dohot parange nionjar ni haporseaon ido gabr jamita , na tarbarita tu saluhut luat. Ayat 5 – 8.
Parngoluon ni huria tess gabe barita sitiruon din a humaliang siala ni panjanghonon ni huria di parbarita na uli , haoloon ni huria I marbalik sian angka ajiajian (berhala ) mulak tu Debata na sintong I sian dalan haliluon ( ulaon 14 : 15 ). Ngolu panghirimon nasida di na paimaimahon haroro nu anak ni jolma I sian banua ginjang , ima Jesus naung hehe sian namate , naung manaek tu banua ginjang mangondihon angka na porsea . haroro ni Kristus I ima paduahon gabe panghirimon ni ngolu , di balik ni ngolu di portibion ima sipatupaon ni Jesus naung hehe I, diharoroNa padua halion. Ayat 9 – 10.
III Sipahusorhusoron
Ngolu namandok mauliate tu Debata ido sada pandohan napasahathon sada pelean jala di bagasan ni iringkot naeng botoonta, pandohan ni endeta no 204 : 2 . namandok paboa tondi , hosa , gogo , nang arta ido naingkon pasahataonta gabe pelean , jala naso tupa unsaton . antong radema hita mangulahon I .

Tidak ada komentar:

Poskan Komentar